Léif Lieserin, léiwe Lieser,

Wat ass « Teamkids.lu »

 « Teamkids.lu » ass eng Internetsäit, déi geziilt op d’Kanner aus dem Cycle 4 ausgeluecht an ëmmer "under construction" wäert sinn. Sou fanne mir do aktuell Informatioune fir d'Schüler an hier Elteren, eng Sammlung vun Tutorials a Linken. Dee wichtegsten Deel soll awer eng Zort Geschierkëscht ginn, déi no a no mat Handwierksgeschier gefëllt gëtt, déi d’Kanner op hirem Wee an de Lycée musse beherrsche léieren.

Hei e puer Beispiller :

• Wéi geet dat, fir Zuele mat Komma ze ronnen ?
• Wéi geet scho méi eng schrëftlech Divisioun mat Dezimalzuelen ?
• Wéi benotzt een de Geodräieck fir Wénkelen ze moossen ?
• Wéi fonctionéieren « verbes pronominaux » am « passé composé » ?
• Wéi kann ech Befeeler ginn am Franséischen ?
• Wéi kann ech en däitschen Text méi ausdrocksstaark gestalten ? (Lëscht mat staarken Ausdréck)
• Wéi moolt een detailléierte Bam ?
• Wat ass scho méi den Ënnerscheed, tëscht der Altsteinzeit an der Jungsteinzeit?

Donieft wäert och eng Linksammlung entstoen, mat

• Referenzwierker (online Dictionnairen, Verbebicher…)
• klasseschen Widderhuelungsaufgaben
•  Experimenter…

 Wat « Teamkids.lu » ni wäert sinn :

• eng Vitrinn, wou Kanner sech selwer duerstellen
• ee Site, wou ee Perséinleches iwwert Kanner gewuer gëtt

Wat « Teamkids.lu » ëmmer wäert sinn :

• eng Zort schoulesch Geschierkëscht fir Kanner
  
• eng Sammlung vu villfältegen Informatiounen a Noschlowierker